MUGSHOT NI ROMUALDEZ, INILABAS NG DILG MATAPOS MAISILBI ANG WARRANT

Inilabas ng Department of the Interior and Local Government (DILG) ang mugshot ni dating House Speaker Martin Romualdez matapos maisilbi ang warrant of arrest laban sa kanya sa isang ospital nitong Lunes ng gabi.

Makikita sa inilabas na booking photo na nakasuot si Romualdez ng detainee shirt habang isinasagawa ang mga kinakailangang proseso matapos ang pagsisilbi ng warrant.

Ayon sa mga awtoridad, pansamantalang ipinatong ang detainee shirt kay Romualdez dahil may nakakabit na suwero sa kanyang kamay habang siya ay nagpapagamot sa ospital.

Bahagi ng booking procedure ang pagkuha ng mugshot at pagsasagawa ng physical medical examination sa detainee. Isinagawa ang mga prosesong ito matapos siyang maisilbihan ng warrant habang nasa ospital.

Ang pagsisilbi ng warrant ay isinagawa sa ospital nitong Lunes ng gabi, kung saan naroon si Romualdez para sa kaniyang medical treatment.

Samantala, patuloy na inaasahang susunod si Romualdez sa mga kaukulang proseso ng batas kaugnay ng kasong kinakaharap niya.